ہر بدکلام پر جنت حرام ہے

حضرت سیدنا ابوعبدالرحمن جبلی علیہ الرحمہ نے حضرت سیدنا عبداللہ بن عمرو بن عاص رضی اللہ عنہما کو فرماتے سنا کہ

“ہر بدزبان پر جنت میں داخلہ حرام ہے۔”

[حلیۃ الاولیاء (مترجم) ج 1 ص 508 رقم 982]

[حلیۃ الاولیاء (عربی) ج1 ص 288]

حلیۃ الاولیاء کی سند کے تمام راوی ثقہ ہیں سوائے امام ابونعیم کے شیخ ابومسلم محمد بن معمر کے ان کی توثیق مجھے نہ مل سکی اگرچہ وہ ادیب ضرور ہیں۔ [تاریخ الاصبہان ج 2 ص 255 رقم 1618]

لیکن اس روایت میں ان کی متابعت امام ابوبکر ابن ابی الدنیا نےکر رکھی ہے ۔

[کتاب الصمت لابن ابی الدنیا ج 1 ص 183 رقم 322]

لیکن ان کی سند میں عبداللہ بن لہیعہ ہے جس پر کافی کلام ہے لیکن عبداللہ بن لہیعہ کی متابعت حلیۃ الاولیاء [ج1 ص 288] میں امام لیث بن سعد نے کر رکھی ہے لہذا یہ روایت سنداحسن ہے۔

واللہ اعلم