أَعـوذُ بِاللهِ مِنَ الشَّيْـطانِ الرَّجيـم

بِسْمِ اللّٰهِ الرَّحْمٰنِ الرَّحِيْمِ

وَلَوۡ كَانُوۡا يُؤۡمِنُوۡنَ بِاللّٰهِ وَالنَّبِىِّ وَمَاۤ اُنۡزِلَ اِلَيۡهِ مَا اتَّخَذُوۡهُمۡ اَوۡلِيَآءَ وَلٰـكِنَّ كَثِيۡرًا مِّنۡهُمۡ فٰسِقُوۡنَ ۞

ترجمہ:

اور اگر وہ اللہ پر ایمان لاتے اور اس نبی پر اور اس پر جو اس نبی کی طرف نازل کیا گیا تو کافروں کو دوست نہ بناتے لیکن ان میں زیادہ تر لوگ نافرمان ہیں۔

تفسیر:

اللہ تعالیٰ کا ارشاد ہے : اور اگر وہ اللہ پر ایمان لاتے اور اس نبی پر اور اس پر جو اس نبی کی طرف نازل کیا گیا تو کافروں کو دوست نہ بناتے لیکن ان میں زیادہ تر لوگ نافرمان ہیں۔ (المائدہ : ٨١) 

اس آیت کی دو تفسیریں ہیں : 

(١) اگر یہ یہودی اللہ پر صحیح ایمان لاتے اور حضرت موسیٰ (علیہ السلام) پر اور تورات پر تو کافروں کو دوست نہ بناتے۔ 

(٢) اگر یہ یہودی اللہ پر کامل ایمان لاتے اور سیدنا محمد (صلی اللہ علیہ وآلہ وسلم) پر اور قرآن مجید پر تو کافروں کو دوست نہ بناتے۔

تبیان القرآن – سورۃ نمبر 5 المائدة آیت نمبر 81