(۲) کلمئہ طیبہ کے تصدیق کرنے کی فضیلت

۶۔ عن أنس بن مالک رضی اللہ تعالیٰ عنہ أن النبی صلی اللہ تعالی علیہ وسلم و معاذ ردیفہ علی الرحل قال : یا معاذ بن جبل! قال : لبیک یا رسول اللہ و سعد یک! قال : یا معاذ ! قال : لبیک یا رسول اللّٰہ و سعدیک! قا ل: یا معاذ! قال : لبیک یا رسول اللہ و سعدیک ثلثا! قال : مَا مِنْ أحَدٍ یَشْہَدُ أن لاَ إلٰہَ إلاّ اللہُ وَ أن مُحَمّد رَّسُوْلُ اللہِ صَدَقَ مِنْ قَلْبِہٖ إلاّحَرّمَہ اللہُ علٰی النَّارِ قَالَ : یَا رسول اللہ ! أفلا أخبر بہالناس فیستبشرون؟ قال: اذاً یَتَّکِلُوا، وأخْبرَ بِہَا مُعاذعِنْدَ مَوتِہٖ تَأثّماً۔

ً حضرت انس بن مالک رضی اللہ تعالی عنہ سے روایت ہے کہ حضور نبی کریم صلی اللہ تعالی علیہ وسلم اور آپ کے پیچھے حضرت معاذ بن جبل رضی اللہ تعالیٰ عنہ ایک ہی کجاوے پر سوار تھے ، حضور سید عالم صلی اللہ تعالی علیہ وسلم نے فرمایا ۔ اے معاذ! حضرت معاذ نے عرض کیا :یا رسول اللہ ! میں حضور کی خدمت میں حاضر ہوں اور آپ کا فرمانبردار ہوں ۔ حضور نے پھر فرمایا : اے معاذ ! حضرت معاذ نے پھر عرض کیا : یا رسول اللہ ! میں حضور کی خدمت میں حاضر ہوں اور فرمانبردار ہوں ۔ حضور نے پھر فرمایا: اے معاذ! حضرت معاذ نے پھر عرض کیا : یا رسول اللہ ! میں حاضر خدمت ہوں اور فرمانبرداری کیلئے تیار ہوں ۔ تین مرتبہ حضور نے اسی طرح فرماکر ارشاد فرمایا: جس شخص نے کلمہ طیبہ لا الہ الااللہ محمد رسول اللہ ، کی صدق دل سے گواہی دی اللہ تعالیٰ نے اسے دوزخ پرحرام فرمادیا ہے۔ حضرت معاذ نے عرض کیا : یا رسول اللہ ! کیا میں لوگوں کو یہ خوشخبری نہ سنادوں ؟ فرمایا:تو عام طورپر لوگ اسی پربھروسہ کرلینگے ۔ پھر حضرت معاذ نے اپنے انتقال سے کچھ پہلے کتمانِ علم کے گناہ سے بچنے کیلئے یہ حدیث بیان فرمادی ۔

اظہار الحق الجلی ص ۳۴

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۶۔ الجامع الصحیح للبخاری ، کتاب العلم ، ۱/۲۴ ٭ الصحیح لمسلم، کتا ب الایما ن، ۱/۴۶