حدیث نمبر118

روایت ہے حضر ت ابوہریرہ سے فرماتے ہیں کہ نبی صلی اللہ علیہ وسلم اپنے سجدہ میں کہتے تھے خدایا میرے سارے گناہ بخش دے چھوٹے بڑے اگلے پچھلے کھلے چھپے ۱؎(مسلم)

شرح

۱؎ ظاہر یہ ہے کہ دعا تہجدیاکسی اورنفل کے سجدے میں تھی یا کبھی کبھی فرائض کے سجدے میں بیان جواز کے لیے۔خیال رہے کہ حضورصلی اللہ علیہ وسلم کی یہ دعائیں امت کی تعلیم کےلیےہیں ورنہ حضورصلی اللہ علیہ وسلم گناہ تو کیا گناہ کے ارادے سےبھی محفوظ ہیں۔