(۱۶)غنی کے سامنے انکساری نقصان دین کا سبب 

۵۰۔ عن بعض الصحابۃ رضی اللہ تعالیٰ عنہ قال : قال رسول اللہ صلی اللہ  تعالیٰ علیہ وسلم :مَنْ تَوَاضَعَ لِغَنِیٍّ لِاجَلِ غِنَاہٗ ذَہَبَ ثُلُثَا دِیْنِہٖ ۔ ذیل المدعا ۱۴

بعض صحابہ کرام رضی اللہ تعالیٰ عنہ سے روایت ہے کہ ر سول اللہ صلی اللہ تعالیٰ علیہ وسلم نے ارشاد  فرمایا : جو کسی غنی کیلئے اس کے غنا کے سبب تواضع کرے اسکا دو تہائی دین چلا جاتا ہے ۔

]۴[ امام احمد رضا محدث بریلوی قدس سرہ فرماتے ہیں

وجہ یہ ہے کہ مال دنیا کیلئے تواضع رو بخدا نہیں ۔ یہ حرام ہوئی اور یہ ہی تواضع لغیر اللہ ہے، اور علم دین کیلئے تواضع رو بخدا ہے، اسکا حکم آیا اور یہ عین تواضع للہ ہے ۔ یہ نکتہ ہمیشہ یاد رکھنے کا ہے کہ اسی کو بھول کر وہابیہ اور مشرکین افراط و تفریط میں پڑے ۔ والعیاذ باللہ رب العالمین ۔ ذیل المدعا ص ۱۴

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۵۰۔ الدر المنثور للسیوطی، ۱۵۷ ٭ کشف الخفاء للعجلونی، ۲/۳۳۴

الاسرار المرفوعۃ للقاری ، ۳۳۹ ٭ تذکرۃ الموضوعات للفتنی، ۱۷۵