أَعـوذُ بِاللهِ مِنَ الشَّيْـطانِ الرَّجيـم

بِسْمِ اللّٰهِ الرَّحْمٰنِ الرَّحِيْمِ

وَيٰقَوۡمِ اعۡمَلُوۡا عَلٰى مَكَانَتِكُمۡ اِنِّىۡ عَامِلٌ‌ ؕ سَوۡفَ تَعۡلَمُوۡنَ ۙ مَنۡ يَّاۡتِيۡهِ عَذَابٌ يُّخۡزِيۡهِ وَمَنۡ هُوَ كَاذِبٌ‌ ؕ وَارۡتَقِبُوۡۤا اِنِّىۡ مَعَكُمۡ رَقِيۡبٌ ۞

ترجمہ:

اور اے میری قوم ! تم اپنی جگہ کام کرتے رہو اور میں اپنا کام کرنے والا ہوں۔ عنقریب تم جان لو گے کس کے پاس ایسا عذاب آئے گا جو اس کو رسوا کر دے گا اور کون جھوٹا ہے تم (بھی) انتظار کرو اور میں بھی تمہارے ساتھ انتظار کرنے والا ہوں

تفسیر:

اللہ تعالیٰ کا ارشاد ہے : اور اے میری قوم ! تم اپنی جگہ کام کرتے رہو اور میں اپنا کام کرنے والا ہوں، عنقریب تم جان لوگے کس کے پاس ایسا عذاب آئے گا جو اس کو رسوا کر دے گا اور کون جھوٹا ہے، تم (بھی) انتظار کرو اور میں بھی تمہارے ساتھ انتظار کرنے والا ہوں۔ (ھود : ٩٣)

یعنی تم جو کچھ کر رہے ہو وہ کرتے رہو، تم اپنے کفر اور ظلم پر کاربند رہو اور میں تم کو ان کاموں سے حسب سابق منع کرتا رہوں گا اور میں نے تم کو جس عذاب کی خبر دی ہے، تم بھی اس کا انتظار کرو اور تمہارے ساتھ میں بھی اس کا انتظار کرتا رہوں گا۔

تبیان القرآن – سورۃ نمبر 11 هود آیت نمبر 93