۹۵۔ عن أبی حمید الساعدی رضی اللہ تعالیٰ عنہ قال : خَرَجَ رَسُولَ اللّٰہِ صَلَّی اللّٰہُ تَعَالی عَلَیْہِ وَسَلَّمَ حَتّی اِذَا خَلَّفَ ثَنِیَّۃَ الوِدَاعِ اِذَا کَتِیْبَۃٌ ، قَالَ : مَنْ ہٰؤلٓائِ ، قَالوُا: بَنِی قَینقَاع وَ ہُورَہْطُ عَبْدِ اللّٰہِ بْنِ سَلَامٍ، قَالَ: أسْلَمُوا ؟ قَالُوا : لاَ ، بَلْ ہُمْ عَلیٰ دِیْنِہِمْ ، قَالَ :قُلْ لَہُمْ : فَلْیَرْجِعُوْا،فَاِنَّا لَا نَسْتَعِیْنُ بِالْمُشْرِکِیْنِ ۔ المحجۃ المؤتمنہ ص ۶۲

حضرت ابو حمید ساعدی رضی اللہ تعالیٰ عنہ سے روایت ہے کہ رسول اللہ صلی اللہ تعالی علیہ وسلم روز احد تشریف لے چلے۔ جب ثنیۃ الوداع سے آگے بڑھے ایک بھاری لشکر ملاحظہ فرمایا،ارشا ہوا: یہ کون ؟ عرض کی گئی: یہود بنی قینقاع قوم عبد اللہ بن سلام فرمایا : کیا اسلام لے آئے ۔عرض کی: نہ، وہ اپنے دین پر ہیں ۔ فرمایا : ان سے کہہ دولوٹ جائیں،ہم مشرکین سے مدد نہیں مانگتے ۔

]۳[ امام احمد رضا محدث بریلوی قدس سرہ فرماتے ہیں

یہ حدیث حسن صحیح ہے ۔ اسکی سند میں فضل بن موسی اور محمد بن عمروبن علقمہ دونوں رجال جمیع صحاح ستہ سے ہیں ، ثقہ ثبت و صدوق سعدبن منذر بیٹے ہیں ابوحمید ساعدی کے، ابن حبان نے انہیں ثقات میں شمار کیا ،تقریب میں کہا مقبول ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۹۵۔ السنن الکبری للبیہقی، ۹/ ۳۷