💠 سلسلہ( شخصیت شناسی) کی قسط نمبر:2 حاضر ہے 💠

🌹خلیفہ اعلی حضرت قطب المدینة ,فقیر بے بدل, ولی کامل ,فنافی اللہ ﷻفنا فی الرسول ﷺ ,باقی بااللہ , قدوۃ العلماء والصلحاء ,تاج الاولیاء , سیدی وسندی حضرت علامہ ضیاءالدین مہاجر مدنی قدس سرہ العزیز🌹

ولادت:

حضرت سیدنا قطبِ مدینہ ضیاء الدین کی ولادتِ باسعادت 1294ھ بمطابق 1877ء میں پاکستان کے شہر سیالکوٹ میں بمقام کلاس والا ہوئی۔

نسب :

آپ حضرت سیدنا ابوبکر صدیق رضی اللہ عنہ کی اولاد میں سے ہیں۔

تعلیم :

ابتدائی تعلیم سیالکوٹ میں حاصِل کی پھر لاہور اور دہلی میں کچھ عرصہ تحصیلِ علم کیا بالآخِر پیلی بھیت (یوپی انڈیا) میں حضرت علامہ مولانا وصی احمد محدث سورتی رحمة اللہ علیہ کی خدمت میں تقریباً چار سال رہ کر علومِ دینیہ حاصِل کیے اوردورہ حدیث کے بعد سندِ فراغت حاصِل کی۔ زہے قسمت حضرت امام اہلسنت الشاہ امام احمد رضا خان قدس سرہ العزیز نے اپنے دستِ مبارک سے سیِّدی قطبِ مدینہ حضرت قبلہ ضیاء الدین مدنی قدس سرہ العزیز کی دستار بندی فرمائی۔

بیعت :

آپ نے امام اہلسنت علیہ الرحمہ سے بیعت بھی کی اورصرف 18 سال کی عمر میں حضور اعلیٰ حضرت امام اہلسنت قدس سرہ العزیز سے سندِ خلافت بھی حاصل کی

حیات طیبہ :

حضرت مولانا ضیا الدین احمد مدنی رحمہ اللہ ( مدفون :جنت البقیع. مدینہ منورہ) آپ علیہ الرحمہ قبلہ شاہ احمد نورانی صدیقی رحمہ اللہ کے سسر اور حضرت مولانا فضل الرحمان مدنی رحمہ اللہ کے والد گرامی بھی ھیں آپ کی حیات طیبہ مدینہ پاک میں بسر ہوٸ

آپ علیہ الرحمہ مدینہ منورہ میں باقاعدگی سے میلاد الرسول ﷺ کا انعقاد فرمایاتے تھے

وصال :

4 ذوالقعدة 1401ھ

آپ کی تربت اطہر مدینہ منورہ میں جنت البقیع میں زیارت گاہ خاص و عام ہے

(منقول)

✒️خیر خواہ اہلسنت

💐نازش المدنی مرادآبادی غفر لہ الھادی