(۲) مسئلہ تقدیر میں بحث منع ہے

۱۳۲۔ عن ثوبان رضی اللہ تعالیٰ عنہ قال :اِجتمع أربعون رجلا من الصحابۃ رضی اللہ تعالیٰ عنہم فینظرون فی القدر و الجبر، فمنہم أبو بکر و عمر رضی اللہ تعالیٰ عنہما ، فنز ل الروح الأمین جبرئیل علیہ الصلوۃو السلام فقال : یا محمد! (صلی اللہ تعالیٰ علیک وسلم) اُخرج علی اُمتک فقد أحدثوا ، فخرج علیہم فی ساعۃ لم یکن یخرج علیہم فیہا فأنکروا ذلک منہ و خرج علیہم ملتمعا لونہ متورئۃ وجنتاہ کأنما نفقا بحب الرمان الحامض، فنہضوا الی رسول اللہ صلی اللہ تعالی علیہ وسلم حاسرین أذرعتہم ترعد أکفہم و أذرعتہم فقالوا: تبنا الی رسول اللہ صلی اللہ تعالی علیہ وسلم فقال : أوْلیٰ لَکُمْ أنْ کِدْتُمْ لَتُوْجِبُوْنَ ، أتَانِی الرُّوْحُ الْأمِیْنُ فَقَالَ: اُخْرُجْ اِلیٰ اُمَّتِکَ یَا مُحَمَّدُ! فَقَدْ أحْدَثَتْ۔حاشیہ مسامر ہ و مسایرہ ص ۲۶۷

حضرت ثوبان رضی اللہ تعالیٰ عنہ سے روایت ہے کہ چالیس صحابہ کرام رضوان اللہ تعالیٰ علیہم اجمعین کا اجتماع ہوا جس میں مسئلہ تقدیر و جبر پر غور ہونے لگا ۔ ان میں سیدنا صدیق اکبر اور سیدنا فاروق اعظم رضی اللہ تعالیٰ عنہما بھی تھے ،فوراً حضرت جبرئیل علیہ السلام نازل ہوئے اور عرض کیا : یا رسول اللہ ! آپ اپنی امت کی طرف تشریف لایئے، انہواں نے کچھ نئی باتیں نکالنا شروع کردی ہیں، سرکار فوراً ایسے وقت تشریف لائے جبکہ اس وقت میں عموما ً حضور تشریف نہیں لاتے تھے ، اور وہ حضرات اس وقت حضور کی آمد سے ناواقف تھے ۔ چنانچہ سرکار تشریف لائے اس حال میں کہ آپکا رنگ چمک رہا تھا ، رخسار مبارک گلا ب کی طرح سرخ تھے گویا انار کے دانوں کا رنگ نچوڑ دیا گیا ہے ۔ تمام صحابہ کرام بیساختہ اٹھ کر بارگاہ رسالت میں اس طرح حاضر ہوئے کہ انکی کلائیاںکھلی تھیں اور ہتھیلیوں اور کلائیوں پر کپکپی طاری تھی ۔ عرض کرنے لگے :ہم اللہ و رسول کی بارگاہ میں رجوع لائے ،حضور نے ارشاد فرمایا: میرے پاس جبرئیل امین آئے مجھ سے کہا: کہ آپ اپنی امت کی طرف تشریف لیجائیے کہ انہوں نے نئی باتیں نکالی ہیں۔۱۲م

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۱۳۲۔ المعجم الکبیر للطبرانی، ۲/۹۵