(۵) تقدیر پر تکیہ کرکے عمل نہ چھوڑیں

۱۳۵۔ عن أمیر المؤمنین علی کرم اللہ تعالیٰ وجہہ الکریم قال : کان النبی صلی اللہ تعالیٰ علیہ وسلم فی جنازۃ فأخذ شیئا فجعل ینکت بہ الأرض، فقال ما منکم من أحد الاو قد کتب مقعدہ من النار و مقعد ہ من الجنۃ، قالو: یارسول اللہ! أفلا نتکل علی کتابنا و ندع العمل (زاد فی روایۃ ) فمن کان من أہل السعادۃ فسیصیر الی أہل السعادۃ ،و من کان من أہل الشقاء فسیصیر الی عمل أہل الشقاوۃ ، قال :اِعملو فکل میسر لما خلق لہ ، أما من کان من أہل السعادۃ فییسر لعمل أہل السعادۃ، و أمامن کان من أہل الشقاء فییسر لعمل أہل الشقاوۃ،ثم قرء، فَأمَّا مَنْ أعْطٰی وَ اتَّقٰی وَ صَدَّقَ بِالْحُسْنٰی ألْآیَۃ ۔فتاوی رضویہ ۱۱/۱۷۵

امیر المؤمنین مولی المسلمین حضرت علی کرم اللہ تعالیٰ وجہہ الکریم سے روایت ہے کہ حضور نبی صلی اللہ تعالیٰ علیہ وسلم ایک جنازہ میں تشریف فرماتھے، آپ نے ایک لکڑی اٹھا کر زمین کریدنا شروع کی ،پھر فر مایا : تم میں سے ہر ایک کا ٹھکانا جہنم اور جنت میں لکھ دیا گیا ہے ۔ صحابہ کرام نے عرض کیا : یا رسول اللہ ! تو کیا ہم اپنی تقدیر پر بھروسہ کر کے عمل کرنا نہ چھوڑ دیں ؟ ایک روایت میں ہے ، جو نیک لوگوں میں ہے وہ عنقریب نیک لوگوں میں ہو جائے گا اور جو بد بختوں میں ہے وہ ان میں سے ہو جائے گا ، فرمایا : عمل کرو کہ ہر ایک کیلئے و ہ آسان ہے جس کیلئے وہ پیدا کیا گیا ہے ، تو جو نیک بخت ہے اس کیلئے نیک بختوں کا کام آسان ہو جاتا ہے ۔ اور جو بد بخت ہے اس کیلئے بد بختوں کا عمل آسان ہو جاتا ہے ۔ پھر یہ آیت کریمہ تلاوتفرمائی ۔تو وہ جس نے اللہ تعالی کی راہ میں خرچ کیا ، اللہ تعالیٰ سے ڈرا، اور اچھی طرح تصدیق کی۔ الآیہ ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۱۳۵۔ الجامع الصحیح للبخاری ۲/۷۳۷ ٭ الصحیح لمسلم ، القدر ، ۲/۳۳۳

الجامع للترمذی، القدر ۲ /۳۶ ٭ السنن لابی داؤد ، السنۃ ۱۶ ، القدر ، ۲/۶۴۵

المعجم الکبیر للطبرانی، ۴/ ۲۸۰ ٭ اتحاف السادۃ للزبیدی، ۲/۱۹۷

فتح الباری للعسقلانی، ۸/۷۰۸ ٭ تاریخ بغداد للخطیب، ۱۱/۱۱۰

التفسیر للبغوی، ۳/۲۵۳ ٭ الدر المنثور للسیوطی، ۶/۱۳۹

کنز العمال للمتقی، ۱۵۵۲، ۱/۳۴۲ ٭ التمہید لابن عبد البر، ۶/۸