(۵ ) ارتکاب کبائر سے ایمان نہیں جاتا

۱۴۴۔ عن أبی ذر الغفاری رضی اللہ تعالیٰ عنہ قال: قال رسول اللہ صلی اللہ تعالی علیہ وسلم : مَامِنْ عَبْدٍ قَالَ : لاَ اِلٰہَ اِلّا اللّٰہُ ، ثُمَّ مَاتَ عَلیٰ ذٰلِکَ اِلّا دَخَلَ الْجَنَّۃَ ، قُلْتُ : وَاِنْ زَنیٰ وَاِنْ سَرَقَ ، قال: وان زنی وان سرق ، قلت: و ان زنی و ان سرق ، قال: وان زنی وان سرق ، ثلاثا ثم قال فی الرابعۃ :عَلیٰ رَغْمِ أنْفِ أبِی ذَرٍّ ،قَال : فخرج أبو ذر وہو یقول : واِن رغم أنف أبی ذر۔فتاویٰ رضویہ ۳/۳۶۴

حضرت ابو ذر غفاری رضی اللہ تعالیٰ عنہ سے روایت ہے کہ رسول اللہ صلی اللہ تعالیٰ علیہ وسلم نے ارشاد فرمایا: کوئی بندہ ایسا نہیں جو ’’لاالہ الا اللہ ،، پڑھ کر مر جائے مگر جنت میں داخل ہوگا ۔میں نے عرض کیا: چاہے وہ زناکرے ، چاہے وہ چوری کرے ،حضور نے فرمایا: خواہ وہ زنا کرے ، خواہ وہ چوری کرے، میں نے عرض کیا: خواہ وہ زناکرے ، خواہ وہ چوری کرے ، فرمایا: چاہے وہ زنا کرے ، چاہے وہ چوری کرے۔یہ عرض ومعروض تین مرتبہ ہوا۔ چوتھی بار میں حضور سید عالم صلی اللہ تعالیٰ علیہ وسلم نے ارشادفرمایا :ابو ذر کی ناک غبار آلود ہونے پر( یعنی خواہ ابو ذرکو یہ بات ناپسند ہو لیکن ہے ایسا ہی ) ۔ حضرت ابوذر غفاری جب بارگاہ رسالت سے واپس تشریف لائے توکہہ رہے تھے: اگرچہ ابو ذرکی ناک غبار آ لود ہی کیوں نہ ہو۔ ۱۲م

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۱۴۴۔الجامع الصحیح للبخاری ،اللباس، ۲/ ۷۶۷ ٭ الصحیح لمسلم ‘‘ الایمان‘‘ ۱/ ۶۶

المسند لا حمد بن حنبل ‘‘ ۵/۱۶۶ ٭ المسند لا بی عوانہ ‘‘ ۱/ ۱۹

فتح الباری للعسقلانی ، ۱۰/ ۲۸۲ ٭ الدر المنثور للسیوطی، ۲/ ۱۷۰

تلخیص المتشابہ، ۲/ ۱۰۳ ٭