صرف ترجمہ سےقرآن وحدیث سمجھنا

امام اہل سنت فرماتے ہیں:

قرآن عظیم کے مطالب سمجھنا بلا شبہہ مطلوب اعظم ہے مگر بے علم کثیرہ کافی کے، ترجمہ دیکھ کر سمجھ لینا ممکن نہیں بلکہ اس کے نفع سے اس کا ضرر بہت زیادہ ہے جب تک کسی عالم ماہر کامل سنی دیندار سے نہ پڑھے خصوصا اس حالت میں کہ ترجمہ شیخ سعدی رضی اللہ تعالی عنہ کے سوا آج تک اردو فارسی جتنے ترجمے چھپے ہیں کوئی صحیح نہیں بلکہ ان باتوں پر مشتمل ہیں کہ بے علم بلکہ کم علم کو بھی گمراہ کردیں۔ وﷲ یقول الحق وھو یھدی السبیل حسبنا ﷲ ونعم الوکیل۔واللہ تعالی اعلم۔

(فتاوی رضویہ جلد 23 صفحہ 381 اپلیکیشن)

ایک اور مقام پر سوال ہوا کہ میں صحاح ستہ کو دیکھنا چاہتا ہوں مگر عربی نہیں جانتا، کیا کوئی اردو ترجمہ تحت اللفظ اس کا فراہم ہوسکتا ہے اور کون سی کتاب زیادہ معتبر اور فائدہ رساں ہے؟

امام اہل سنت نے فرمایا کہ

صحاح ستہ کے اردو میں ترجمے ہوئے ہیں مگر عموما وہابیہ نے کیے ہیں، اور ترجمہ دیکھ کر کوئی شخص قرآن و حدیث نہیں سمجھ سکتا۔

(جلد 29 صفحہ 628 اپلیکیشن)

ابو الحسن محمد شعیب خان

7 نومبر 2020