(۲۶)جہاں تصویر ہو وہاں فرشتے نہیں آتے

۱۸۰۔ عن اُم المؤمنین عائشۃ الصدیقۃ رضی اللہ تعالیٰ عنہا قالت : قدم رسول اللہ صلی اللہ تعالی علیہ وسلم من سفر وقد سترت سھوۃ لی بقرام فیہ تماثیل، فلما رأہ رسول اللہ صلی اللہ تعالی علیہ وسلم قام علی الباب ولم یدخل فعرفت فی وجہہ الکراہیۃ فقلت: یا رسول اللہ! اتوب الی اللہ والیٰ رسولہ ماذا اذنبت؟ فقال رسول اللہ صلی اللہ تعالی علیہ وسلم : اِنَّ أصْحَابَ ھٰذِہٖ الصُّوَرِ یُعَذَّبُونَ یَوْمَ الْقِیَامَۃِ فَیُقَالُ لَھُمْ: أحْیُوا مَاخَلَقْتُمْ ،وَقَالَ :اِنَّ الْبَیْتَ الَّذِی فِیْہِ الصُّوَرُ لَاتَدْخُلُہٗ الْمَلآئِکَۃُ۔ فتاوی رضویہ حصہ اول ۹/۱۴۴

ام المؤمنین حضرت عائشہ صدیقہ رضی اللہ تعالیٰ عنہا سے روایت ہے کہ رسول اللہ صلی اللہ تعالیٰ علیہ وسلم ایک سفر سے تشریف لائے اور میں نے ایک پردہ لٹکارکھا تھا جس میں تصویر یں تھیں ۔ رسول اللہ صلی اللہ تعالیٰ علیہ وسلم نے جب اسے ملاحظہ فرمایا تو دروازہ پر ہی رک گئے اور اندر تشریف نہیں لائے ۔ میںنے آپکے چہرئہ اقدس میں ناگواری کے اثرات دیکھکر عرض کیا : یا رسول اللہ! میں اللہ ورسول کے حضور تو بہ کرتی ہوں ۔ مجھ سے کیا گناہ ہوا ؟ ارشاد فرمائیں ۔ رسول اللہ صلی اللہ تعالیٰ علیہ وسلم نے ارشادفرمایا : یہ تصویریں بنانے والے قیامت کے دن سخت عذاب میں ہونگے پھر ان سے کہا جائیگا انکو زندہ کرو جن کو تمنے بنایا تھا۔ اور ارشاد فرمایا ۔ جس گھر میں تصویر ہو رحمت کے فرشتے داخل نہیںہوتے ۔ ۱۲م

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۱۸۰۔ الجامع الصحیح للبخاری ، اللباس ، ۲/ ۸۸۱ ٭ الصحیح لمسلم ، اللباس ، ۲/ ۲۰۱