(۴) مدح مؤمن و مذمت فاجر

۲۱۱۔عن عبد اللہ بن عمررضی اللہ تعالیٰ عنہما قال: اِن رسول اللہ صلی اللہ تعالی علیہ وسلم طاف یوم الفتح علیٰ راحلتہ یستلم الأرکان بمحجنہ فلما خرج لم یجد مناخاً فنزل علیٰ أیدی الرجال ثم قام فخطبھم فحمد اللہ و أثنی علیہ وقال: ألْحَمْدُ لِلّٰہِ الَّذِیْ أذْھَبَ عَنْکُمْ عَبِیَّۃَ الْجَاہِلِیَّۃِ وَتَکَبُّرَ ہَا، أیُّھَا النَّاسُ! رَجُلاَنِ بَرٌّتَقِیٌکَرِیْمٌ عَلیَ اللّٰہِ، وَفَاجِرُ شَقِیٌ ھَیِّنُ عَلیَ اللّٰہِ، ثُمَّ تَلاَ،یَا أیُّھَا النَّاسُ ! اِنَّا خَلَقْنَاکُمْ مِنْ ذَکَرٍ وَّاُنْثیٰ، ثُمَّ قَالَ: أقُولُ قَوْلِی ھٰذَا وَأسْتَغْفِرُاللّٰہَ لِی وَلَکُمْ ۔

حضرت عمر بن عبد اللہ رضی اللہ تعالیٰ عنہاسے روایت ہے کہ رسو ل اللہ صلی اللہ تعالیٰ علیہ وسلم نے فتح مکہ کے دن اپنی سواری پر طواف کیا ارکان کعبہ کا بوسہ اپنے عصائے مبارک سے لیتے تھے توجب باہر تشریف لائے تو سواری کو ٹھہرانے کو جگہ نہ پائی تو لوگوں میں سواری سے اترگئے پھر کھڑے ہوکر خطبہ دیا ۔ اور اللہ تبار ک و تعالیٰ کی حمد و ثنا کی اور فرمایا :اللہ کیلئے حمد جس نے تم سے جاہلیت کا گھمنڈ اور اس کا غرور دور کیا ۔ اے لوگو ! لوگوں میں دو قسم کے مر دہیں ۔ ایک نیک متقی اللہ کے یہاں عزت والا دوسر ا بدکار ، بد بخت اللہ کی بارگاہ میں ذلیل ۔ پھر یہ آ یت پڑھی یا ایھا الناس الخ ،اے لوگو ! ہم نے تم کو مرد و عورت سے پیدا کیا ۔ پھر فرمایا :میں یہ بات کہتاہوں اور اللہ سے اپنے لئے اور تمہارے لئے مغفرت چاہتا ہوں ۔ الزلال الانقی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۲۱۱۔ شرح السنۃ للبغوی ، ۱۳/ ۱۲۳ ٭ اتحاف السادۃ للزبیدی ، ۸/ ۴۱۹

الدر المنثور للسیوطی ، ۶/ ۹۸ ٭ الکشاف للزمخشری ، ۱۵۸