(۹) اللہ تعالیٰ سے شرم وحیا کرو

۲۱۶۔ عن أبی اُمامۃ الباہلی رضی اللہ تعالیٰ عنہ قال: قال رسول اللہ صلی اللہ تعالی علیہ وسلم : اِسْتَحِی مِنَ اللّٰہِ اِسْتِحْیَا کَ مِنْ رَجُلَیْنِ مِنْ صَالِحِی عَشِیْرَتِکَ۔

حضرت ابو امامہ باہلی رضی اللہ تعالیٰ عنہ سے روایت ہے کہ رسول اللہ صلی اللہ تعالیٰ علیہ وسلم نے ارشاد فرمایا : اللہ تعا لیٰ سے شرم کر جیسی اپنے کنبے کے دو نیک مردوں سے کرتا ہے ۔فتاوی رضویہ ۶/۱۷۶

]۱[ امام احمد رضا محدث بریلوی قدس سرہ فرماتے ہیں

یہا ں معاذ اللہ، اللہ تعالیٰ کو کنبے کے دو مردوں سے تشبیہ نہیں ۔ نہ یہ کہ اللہ تعالیٰ سے اتنی ہی حیا چاہئے جتنی دو مردوں سے ۔ بلکہ اس مقدار حیا کی طرف اشارہ ہے کہ اللہ تعالیٰ سے کرے تو معاصی سے روکنے کو کافی ہے ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۲۱۶۔ اتحاف السادۃ للزبیدی ، ۹/ ۲۰۷ ٭ التفسیر لا بن کثیر ، ۸/ ۳۴

الجامع الصغیر للسیوطی ، ۱/ ۶۵ ٭ تاریخ واسط ، ۲۳۲