رمضان المبارک کی خاص تیاریاں
رمضان المبارک کی خاص تیاریاں:
۱۔ پاک صاف ہوکر فرضی نمازوں کے لیے مساجد کا رخ کریں۔ کوشش کریں زیادہ سے زیادہ وقت مساجد میں ہی گزرے۔
💕
۲۔ باوضو رہنے کی مکمل کوشش کریں ، کثرت سے درود وسلام پڑھیں ، جب بھی مسجد میں داخل ہوں تو نفلی اعتکاف کی نیت کرلیں۔
💕
۳۔ ”گھروں کو قبرستان نہ بناؤ۔ (مفہوم الحدیث)“ کے تحت اپنے کمرہ کی ترتیب کو تھوڑا سا بدل دیں اور اسکو صاف کر لیں۔ اپنے کمرہ میں ایک چھوٹا سا کونہ عبادت کیلئے بنا لیں چاہے کمرہ چھوٹا اور تنگ ہی ہو۔
💕
۴- جائے نماز اور قرآن مجید اُس کونہ میں رکھ دیں اور اُسی جگہ میں اللہ تعالیٰ کو پکاریں ، نوافل ادا کریں اور گریہ زاری کریں تاکہ وہ جگہ آپکے حق میں قیامت کے دن گواہی دے۔
💕
۵- حج و عمرہ ادا کرنا چاہتے ہیں تو ہفتہ میں ایک دن یا زیادہ مقرر کر کے فجر پڑھ کر سورج کے طلوع ہونے سے کچھ دیر بعد تک دعا اور تسبیح و استغفار و قرآن کی تلاوت کرنے کے بعد دو/چار نفل ادا کرنے سے آپ کو مقبول حج و عمرہ کا ثواب ملے گا۔
💕
۶- ایک سی٘وِن٘گ باکس بنا لیں اور اُس پر ”رمضان سِیوِنگز“ لکھ لیں اور اس میں ہر روز پیسہ کی مناسب مقدار ڈالتے جائیں اور اُسے اچھے کاموں جیسے عید کے کپڑے یا یتیموں کو إفطار وغیرہ کرانے میں لگادیں۔
💕
۷- کوئی سورة جو آپ کو پسند ہو اور آپکو محسوس ہو کہ وہ آپکے دل سے بہت قریب ہے ، آپ اسکے حفظ کیلئے اللہ تعالیٰ سے عہد کر لیں تو آپکو اس فضیلت والے مہینہ میں بہت بڑا أجر ملے گا۔
💕
۸- کثرت سے استغفار کریں اپنی حاجات استغفار کے ذریعے مانگیں مثلاً اللہ تعالیٰ آپ کو صالح اولاد عطا فرمائے یا آپکی پریشانی کو دور فرمائے یا۔۔۔۔یا۔۔۔۔ اور بہت چیزیں ہیں جنکا حل صرف استغفار ہے۔
💕
۹- اہل خانہ، رشتہ داروں اور دوست واحباب کےلئے روزانہ دعا مخصوص کر لیں اور اُن سے بھی درخواست کریں کہ وہ بھی آپکے لئے دعا کریں تو پھر آپ اسکا اچھا نتیجہ اور اثر آخر رمضان میں خود دیکھ لیں گے کہ فرشتے بھی آپکے لئے وُہی اعمال لکھ دینگے۔
💕
۱۰- ایک بہت اچھی بات یہ 🙂 کہ اگر آپ صاحب استطاعت ہیں تو ہر روز کسی مفلس خاندان کو اپنے إفطار میں شریک کر لیں ، وہ اس طرح کہ اپنے کھانے کی مقدار کو بڑھا دیں اور انھیں إطلاع کر دیں کہ انکا إفطار آپکی طرف سے ہے۔
💕
۱۱- قرآن کی خوب خوب تلاوت کریں۔ قرآن کے ایک ایک حرف پر دس نیکیاں ملیں گی تو رمضان میں اجر کتنے گُنا ہوگا لہذا موقع سے فائدہ اٹھائیں۔
💕
۱۲- ہر روز کچھ رقم رکھ چھوڑیں اور ہر دس دن میں کسی یتیم کو صدقہ و خیرات کر دیں۔
💕
اے اللہ ہمیں رمضان تک پہنچا دے، رمضان کو زندگی کا موقع سمجھیں اور اس ماہ خیر کو غنیمت سمجھیں، پس دنیا تو فانی ہے اور ہر چیز فانی ہے اور سوائے أعمال کے ہرگز کچھ باقی رہنے والا نہیں۔
💕💕💕💕💕💕 💕💕💕 💕💕💕 💕💕💕💕
