۲۳۴۔ عن عبادۃ بن الصامت رضی اللہ تعالیٰ عنہ قال : قال رسول اللہ صلی اللہ تعالی علیہ وسلم: لَیْسَ مِنْ اُمَّتِی مَنْ لَمْ یَعْرِفْ لَعَا لِمِنَا حَقَّہٗ۔

حضرت عبادۃ بن صامت رضی اللہ تعالی عنہ سے روایت ہے کہ رسول اللہ صلی اللہ تعالیٰ علیہ وسلم نے ارشاد فرمایا :جو ہمارے عالم کا حق نہ پہچانے وہ میری امت سے نہیں ۔

]۱[ امام احمد رضا محدث بریلوی قدس سرہ فرماتے ہیں

اگر عالم کواس لئے برا کہتا ہے کہ وہ عالم ہے جب تو صریح کافر ہے اور اگر بوجہ علم اسکی تعظیم فرض جانتا ہے مگر اپنی کسی دنیوی خصومت کے باعث برا کہتا ہے ، گالی دیتا تحقیر کر تاہے تو سخت فاسق و فاجر ہے ،اور اگر بے سبب رنج رکھتا ہے تو مریض القلب خبیث البا طن ہے ،اور اس کے کفر کا اند یشہ ہے۔ فتاوی رضویہ ،جلد اول ،۹/۱۴۰

خلاصہ میں ہے ۔

من ابغض عالما من غیر سبب ظا ہر خیف علیہ الکفر ،جس نے کسی عالم سے کسی ظاہری وجہ کے بغیر بغض رکھا اس پر کفر کا اندیشہ ہے ۔

منح الروض الا زھر میں ہے ۔

الظاہر انہ یکفر،ظاہر یہ ہے کہ اس پر حکم کفر ہے ۔

فتاوی رضویہ حصہ اول ۹/۱۴۰

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۲۳۴۔ المسند لا حمد بن حنبل ، ۵/ ۳۲۳ ٭ المستدرک للحاکم ، الایمان ، ۱/ ۱۲۲

الترغیب والترہیب للمنذری، ۱/ ۱۱۴ ٭ مجمع الزوائد للہیثمی ، ۱/ ۱۲۷