۲۴۶۔ عن أنس بن مالک رضی اللہ تعالیٰ عنہ قال:لما بعث اللہ تعالیٰ موسیٰ علیہ السلا م الی فرعون نو دی لن یفعل فلم افعل ؟ قال: فناداہ اثنا عشر ملکا من علماء الملا ئکۃ ، امض لماامرت بہ فانا جھدنا ان نعلم ھٰذا فلم نعلمہ ۔

حضرت انس بن مالک رضی اللہ تعالیٰ عنہ سے روایت ہے کہ حضرت موسیٰ علیہ الصلوٰہ و السلام کو مولیٰ عزوجل نے رسول کرکے فرعون کی طرف بھیجا ، موسیٰ علیہ الصلوٰۃ و السلام چلے تو ندا ہوئی ۔ مگر اے موسیٰ ، فرعون ایمان نہ لائے گا ۔ موسیٰ علیہ الصلوٰۃ والسلام نے دل میں کہا ، پھر میرے جانے سے کیا فائدہ ۔ اس پر بارہ علماء ملائکہ عظام علیہم الصلوٰۃ والسلام نے کہا ، اے موسیٰ! آپکو جہاں کا حکم ہے جائیے ، یہ وہ راز ہے کہ باوصف کو شش آج تک ہم پربھی نہ کھلا ۔

]۲[ امام احمد رضا محدث بریلوی قدس سرہ فرماتے ہیں

لیکن آخر نفع بعثت سب نے دیکھ لیا کہ دشمنان خدا ہلاک ہوئے ۔ دوستان خدا نے انکی غلامی اور انکے عذاب سے نجات پائی ۔ ایک جلسہ میں ستر ہزار ساحر سجدہ میں گر گئے اور ایک زبان بولے ۔ آمَنَّا بِرَبِّ الْعٰالَمِیْنَ ۰ رَبِّ مُوْسیٰ وَھٰارُوْنَ۔

ہم اس پر ایمان لائے جو رب ہے سارے جہان کا ۔ رب ہے موسیٰ وہارون علیہما الصلوٰۃ والسلام کا ۔ فتاوی رضویہ ۱۱/۱۹۳

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۲۴۶۔ التفسیر للطبری ، ٭ کنز العمال للمتقی ، ۳۵۵۷۴، ۱۲/ ۴۷۶