( ۶)معلّم و متعلّم کے آداب

۲۵۳۔ عن أبی ھریرۃ رضی اللہ تعالیٰ عنہ قال:قال رسول اللہ صلی اللہ تعالی علیہ وسلم : تَوَاضَعُوا لِمَنْ تَتَعَلَّمُوْنَ مِنْہُ وَتَوَاضَعُوْا لِمَنْ تُعَلِّمُوْنَہٗ وَلاَ تَکُوْ نُوْا جَبَابِرَۃَ الْعُلْمَائِ فَیَغْلِبُ جَھْلُکُمْ۔

حضرت ابو ہریرہ رضی اللہ تعالیٰ عنہ سے روایت ہے کہ رسو ل اللہ صلی اللہ تعالیٰ علیہ وسلم نے ارشاد فرمایا :جس سے علم سیکھتے ہو اس کے لیئے تواضع کرو اور جسے سکھاتے ہو اس کے لیئے تواضع کرو اور گردن کش عالم نہ بنو کہ تمہارا جہل تم پر غالب ہو جائے ۔

]۴[ امام احمد رضا محدث بریلوی قدس سرہ فرماتے ہیں

علماء نے تصریح فرمائی کہ غیر خداکہ لیئے تواضع حرام ہے فتاوی ہندیہ میں ہے ۔ التواضع لغیراللہ حرام کذا فی الملتقط ۔

تو بات وہی ہے کہ انبیا ء و اولیاء ، علماء ومسلمین کے واسطے تواضع اس لئے ہے کہ وہ اللہ کے نبی ہیں ، یہ اللہ کے ولی ہیں ،دین الٰہی کے قیم ہیں، یہ ملّت الٰہیہ پر قائم ہیں،تو علّت تواضع جب وہ نسبت ہے جو انہیں بارگاہ الٰہی میں حاصل ،تو یہ تواضع بھی در حقیقت خدا ہی کے لئے ہوئی جیسے صحا بئہ کرام واہل بیت عظام کی تعظیم ومحبت بعینہ محبت وتعظیم سید عالم ہے۔ صلی اللہ تعالیٰ علیہ وسلم ۔

تواضع لغیر اللہ کی شکل یہ ہے کہ العیاذ باللہ کسی کافریا دنیا دار غنی کے لئے اسکے سبب تواضع ہو کہ یہاں وہ نسبت موجو د نہیں ،یا موجود ہے تو ملحوظ نہیں ،اے عزیز ،کیا وہ احادیث کثیرہ بثیرہ جن میںصحابئہ کرام رضوا ن اللہ تعالیٰ علیھم اجمعین کا حضور اقدس صلی اللہ تعالیٰ علیہ وسلم کے لیئے خشوع وخضوع بجا لانا مذکور اس درجہ اشتہار پر نہیں کہ فقیر کو انکے جمع واستیعا ب سے غنا ہو۔ فتا ویٰ رضویہ ۳/۵۳۳،۵۳۴

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۲۵۳۔ الجامع الصغیر للسیوطی ، ۱/ ۲۰۳ ٭ اتحاف السادۃ للزبیدی ، ۸/ ۲۷

مجمع الزوائد للہیثمی ، ۱/ ۱۲۹ ٭