۲۵۸ ۔عن سعد بن أبی وقاص رضی اللہ تعا لیٰ عنہ قال : قال رسول اللہ صلی اللہ تعالیٰ علیہ وسلم :اِنَّ أعْظَمَ الْمُسْلِمِیْنَ فِی الْمُسْلِمِیْنَ جُرْمًا مَنْ سَألَ عَنْ شَیْئٍ لَمْ یُحَرِّمْ عَلیَ النَّاسِ فَحُرِّمَ مِنْ رَجُلٍ مَسْألَتِہٖ۔

حضرت سعدبن ابی وقاص رضی اللہ تعالیٰ سے روایت ہے کہ رسو ل اللہ صلی اللہ تعالیٰ علیہ وسلم نے ارشاد فرمایا : بیشک مسلمانوں کے بارے میں انکا بڑاگنہگار وہ ہے جو ایسی چیز سے سوال کرے کہ حرام نہ تھی ،اس کے سوال کے بعد حرام کر دی گئی ۔

]۵[ امام احمد رضا محدث بریلوی قدس سرہ فرماتے ہیں

یہ احادیث با علی ندا منا دی کہ قرآن وحدیث میں جن با توں کا ذکر نہیں،نہ انکی اجازت ثابت ،نہ مما نعت وار د، وہ اصل جواز پر ہیں ،ورنہ اگر جس چیز کا کتاب و سنّت میں ذکر نہ ہو مطلقًا ممنوع ونا درست ٹہرے تو اس سوال کر نیوالے کی کیا خطا ؟اسکے بغیر پو چھے بھی وہ چیز ناجا ئز ہی رہتی ،بالجملہ یہ قاعدۂ نفیسہ ہمیشہ یاد رکھنے کا ہے کہ قر آن وحدیث سے جس چیز کی بھلائی یابرائی ثابت ہووہ بھلی یا بری ہے ، اور جس کی نسبت کوئی ثبوت نہ ہو وہ معا ف وجائز ومباح و روا ،اس کو حرام وگناہ ونا درست وممنوع کہنا شریعت پر افتراء ہے ۔فتا ویٰ رضویہ ۳/۵۲۷،۵۵۲

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۲۵۸۔الجامع الصحیح للبخاری ، الاعتصام ، ۲/ ۱۰۸۲ ٭ الصحیح لمسلم ، الفضا ئل،۲/ ۲۶۲

السنن لا بی داؤد ، االسنۃ ، ۲/ ۲۳۶ ٭ المسند لاحمد بن حنبل ، ۱/ ۱۷۶

المستدرک للحاکم، ۳/ ۶۲۶ ٭ التفسیر للقرطبی ، ۶/ ۳۳۵

مشکل الا ثار للطحاوی، ۲۰/ ٭ فتح الباری للعسقلانی، ۱/ ۲۶۴