سیدنا و مولانا امیرالمؤمنین عمر بن خطاب رضی اللہ عنہ کی تاریخ شہادت پر ایک تحقیق ۔

 

امام حاکم نے سیدنا فاروق اعظم رضی اللہ کی شہادت کے حوالے سے دو روایات “مستدرک ” میں لکھی ہیں

 

ایک میں ہے : کہ آپ پر قاتلانہ حملہ بدھ کے دن ہوا جب ذی الحج کی چار راتیں باقی تھیں۔ (مستدرک حدیث 4510)

 

اور دوسری روایت میں ہے : کہ آپ زخمی ہونے کے بعد تین دن تک زندہ رہے ۔ (مستدرک حدیث 4514 شبیر برادرز لاہور)

 

اسی طرح امام ہیثمی کی میں ہے : کہ آپ زخمی ہونے کے بعد تین دن تک زندہ رہے ۔

(9/685 ، اکبر بک سیلرز لاہور)

 

ان روایات کو ملائیں تو پتا چلتا ہے کہ آپ پر جب قاتلانہ حملہ ہوا ، تب ذی الحج کی 26 یا 27 تاریخ تھی ، اور آپ زخمی ہونے کے بعد تین دن زندہ رہے ، یعنی یکم محرم کی رات کو وصال ہوا ، اور تدفین یکم محرم دن کے وقت ہوئی ، یا پھر وصال اور تدفین اسی چاند رات کو کردی گئی ہوگی ۔ تبھی یکم محرم شمار کیا جاتا ہے ۔

 

بہ ہرحال مہینہ 29 کا ہو یا 30 کا اِن روایات کی روشنی میں 26 تاریخ نہیں بنتی ۔۔۔۔۔

 

اور جنہوں نے 26 تاریخ لکھی ہے ، تو ہوسکتا ہے ، کہ انہوں نے زخمی کیے جانے کے دن کو ہی شہادت کا دن شمار کرلیا ہو ۔

 

واللہ تعالٰی اعلم

 

یاد رہے ! کتب سیر و تاریخ میں یکم محرم کو آپ کی تدفین پر بہت سے اقوال موجود ہیں جن میں چند مشہور کتب کے حوالہ جات پیش خدمت ہیں ۔

 

1- (تاریخ طبری 3/217 نفیس اکیڈمی)

 

2-البدایہ و النہایہ 7/186 نفیس اکیڈمی)

 

3-(تاریخ ابن اثیر 2/490 نفیس اکیڈمی )

 

4-(اسدالغابہ 2/608 مکتبہ خلیل لاہور)

 

5-(طبقات ابن سعد 1/674 عبداللہ

( اکیڈمی)

 

6-(تاریخ الخلفاء ص 247 ضیاءالقرآن

ایڈیشن2006ء)

 

7-(صفة الصفوہ 1/127 ادارہ پیغام القرآن لاہور)

 

👈ان حوالہ جات پر اگر کوئی کہے کہ یہاں تو تدفین یکم محرم کو لکھی ہے نہ کہ شہادت۔۔۔۔ تو کہا جائے گا: کہ اگر 26 کو شہید ہوئے تو یکم محرم تک تدفین نہ کرنے میں کون سی وجوہات آڑے تھیں؟

 

👈اتنے دنوں تک پھر آپ کے جسم مبارک کو کیوں رکھا گیا؟

 

👈حالانکہ آپ کے شکم میں خنجر لگنے کے باعث خون اتنا بہہ چکا تھا کہ آپ کو وصال کے بعد یکم محرم تک رکھنا عقلاً بھی درست نہیں ۔

 

👈جب یکم محرم کو بھی شہادت یا تدفین پر کثیر اقوال موجود ہیں تو پھر 26 والے یکم والوں پر طرح طرح کے خود ساختہ فتوے کیوں لگاتے ہیں؟

 

👈کہیں یہ ایرانی ہڈیوں کا اثر تو نہیں ، کہ کل تک یکم محرم کو شہادت کا دن ماننے اور منانے والے پنڈی اور دیگر مقامات کے تفضیلی ، آج یکم محرم والوں پر برستے نظر آتے ہیں ؟

 

اللہ تعالیٰ اِن شدت پسندوں کو ہدایت عطا فرمائے ورنہ یہ مسئلہ ایسا نہیں ہے ۔

 

✍️ارسلان احمد اصمعی قادری

8/8/2021ء