أَعـوذُ بِاللهِ مِنَ الشَّيْـطانِ الرَّجيـم

بِسْمِ اللّٰهِ الرَّحْمٰنِ الرَّحِيْمِ

وَلَقَدْ تَّرَكۡنٰهَاۤ اٰيَةً فَهَلۡ مِنۡ مُّدَّكِرٍ ۞

ترجمہ:

اور بےشک، ہم نے اس کو نشانی بنا کر چھوڑا تو ہے کوئی نصیحت قبول کرنے والا

القمر :15 میں فرمایا : اور بیشک ہم نے اس کو نشانی بنا کر چھوڑا ہے، تو ہے کوئی نصیحت قبول کرنے والا۔

اس سے مراد یہ ہے کہ ہم نے اس کشتی کو نشانی بنا کر چھوڑا ہے، کیونکہ اللہ تعالیٰ نے اس کشتی کو ایک مدت تک بعینہا باقی رکھا، وہ کشتی جودی نام کے ایک جزیرہ پر ٹھہر گئی۔ ” وہ کشتی جودی پر ٹھہر گئی “ (ہود :44)

پھر اللہ تعالیٰ نے توحید پر ایمان لانے کی ترغیب کے لئے اور اپنی نافرمانی پر عذاب سے ڈرانے کے لئے فرمایا : تو ہے کوئی نصیحت قبول کرنے والا

القرآن – سورۃ نمبر 54 القمر آیت نمبر 15