۲۹۰۔ عن عبد اللہ بن مسعود رضی اللہ تعالیٰ عنہ قال : قال: رسول اللہ صلی اللہ تعالیٰ علیہ وسلّم:اِذَا اِنْفَلَتَتْ دَابَّۃُ أحَدِکُمْ بِأرْضٍ فَلاَۃٍ فَلْیُنَادِ، یَاعِبَادَاللّٰہَ! أحْبِسُوْا عَلَیَّ، یَا عِبَادَ اللّٰہِ! أحْبِسُوْا عَلَیَّ ،فَاِنَّ لِلّٰہِ فِی الْأرْضِ حَاضِرًا سَیَحْبِسُہٗ عَلَیْکُمْ ۔

حضرت عبداللہ بن مسعود رضی اللہ تعالیٰ عنہ سے روایت ہے کہ رسول اللہ صلی اللہ تعالیٰ علیہ وسلّم نے ارشاد فرما یا : جب تم میں سے کسی کا جانور جنگل میں چھوٹ جائے تو چاہئے یوں ندا کرے اے خداکے بندو روک لو ، اے خداکے بندو روک لو ، کہ اللہ تعالیٰ کے کچھ بندے اسمیں ہیں جواسے روک لیں گے ۔

]۴[ امام احمد رضا محدث بریلوی قدس سرہ فرماتے ہیں

سیدنا عبداللہ بن عباس رضی اللہ تعالیٰ عنھما ان لفظوں کے بعد رحمکم اللہ ،اورزیا دہ فرماتے ،امام نووی رحمہ اللہ اذکار میں فرماتے ہیں ،ہما رے بعض اساتذہ نے کہ عالم کبیر تھے ایسا ہی کیا چھوٹا ہو ا جانور فوراً رک گیا ۔ اور فرماتے ہیں ۔

ایک بار ہمارا جانور چھوٹ گیا ، لوگ عاجز آگئے ہاتھ نہ لگا ، میں نے یہی کلمہ کہا ، فوراً رک گیا ،جسکا اس کہنے کے سوا کوئی سبب نہ تھا ۔نقلہ سیدی علی القاری فی الحرزالثمین ۔فتاویٰ رضو یہ ۳/۵۳۱

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۲۹۰۔ مجمع الزوائد للہیثمی ، ۱۰/ ۱۳۲ ٭ المعجم الکبیر للطبرانی ، ۱۰/۲۶۷

کنز العمال للمتقی ، ۱۷۴۹۶، ۶/ ۷۰۵ ٭ الجامع الصغیر للسیوطی ، ۱/ ۳۷