*آپ کے ذمہ کیا ہے ؟*
*WE DO NOT KNOW* WHAT WE WANT AND YET *WE ARE RESPONSIBLE* FOR WHAT WE ARE_ *THAT IS THE FACT* .
*ڈاکٹر محمد اعظم رضا تبسم* کی کتاب *کامیاب زندگی کے راز* سے انتخاب ۔ *ردا فاطمہ
*ایک صاحب فٹ پاتھ پر سکون سے چلے جارہے تھے کہ اچانک ایک گاڑی تیزی سے فٹ پاتھ پر چڑھ گئی اور صاحب کو ٹکر مار دی* . ابھی وہ صاحب زمین سے اٹھے بھی نہ تھے کہ گاڑی کا دروازہ کھلا اور ایک خاتون آگ بگولہ ہوئی باہر نکلیں اور بولی ” *اندھے ہو گئے ہیں سب کے سب ! صبح سے یہ ساتواں آدمی ہے جو میری گاڑی سے آکر ٹکرایا ہے”* اگر آپ کو یہ لطیفہ سمجھ آیا ہے تو آپ مسکراٸیں گے مگر میں نہیں چاہتا آپ اس پر قہقہ لگا کر ہنسیں *میں چاہتا ہوں کہ آپ پوری ذمہ داری سے سوچیں کہ ہم کہاں غلط ہیں اور کہاں غلطیوں کی ذمہ داری قبول کرتے ہیں ۔* ہم میں سے ہر آدمی یہ جانتا ہے کہ اسے کیا کرنا ہے اگر ہم یہ جان لیں کہ ہمیں کیا کرنا ہے تو بہت سے مساٸل خودبخود حل ہو جاٸیں ۔ *ہٹ دھرم انسان کی آنکھوں پر پٹی بندھی ہوتی ہے اسے اپنے علاوہ سب کے عیب نظر آتے ہیں وہ اپنی غلطیوں کا بہترین وکیل اور دوسروں کی غلطیوں کے لیے بہترین جج ہوتا ہے* جب کسی معاشرے میں افراد کا یہ رویہ عمومی ہو وہ معاشرہ اپنی آٸندہ نسلوں کی تربیت اچھے سے نہیں کر سکتا ۔ *ایک مرتبہ ایک کلاس کے بارے سر تبسم کو شکایت کی گٸی کہ یہ کلاس بہت زیادہ بحث کرتی ہے اور بحث بھی سیاسی ۔ جس کا کوٸی نتیجہ نہیں نکلتا سواۓ اس کے کہ آپس میں رنجش بڑھ جاتی ہے طنز طعنے گالم گلوچ عام مزاج بن گیا ہے ادھوری بات سن کر پورا جواب دینا یہ اخلاقی گراوٹ ہے ۔* سر تبسم اس کلاس میں تشریف لے گٸے اور کلاس میں سے ہر بچے سے پوچھا آپ کیا بننا چاہتے ہیں تو ہر ایک نے اپنے خواب اپنی منزل کے بارے بتایا ۔ سر نے سوال کیا آپ ایک بینک آفیسر ہیں یا آرمی آفیسر ہیں یا ایک ٹیچر یا جج کے منصب پر فاٸز ہیں اور کوٸی آ کر آپ کو کہتا ہے جاو مسٹر واش روم دھو دو اور سنو ٹاٸلٹ صاف کرنا تو کیا آپ اس کی بات مانو گے ۔ سب نے کہا نہیں بلکہ غصہ بھی ہوں گے ۔ *آپ کیوں نہیں بات مانیں گے وجہ ۔ بس ایک چھوٹا سا کام تو کرنا ہے صفاٸی نصف ایمان ہے ۔ سر آپ کی بات ٹھیک ہے مگر ہم کیوں ایسا کریں ہماری وہ ذمہ داری ہی نہیں اس کام کے لیے سویپر رکھے گٸے ہیں یہ ان کا کام ہے اور ہم نے اتنا پڑھا ہے محنت کی ہے ایک مقام حاصل کیا ہے کیا اسی کام کے لیے حاصل کیا ہے* ۔ ان کے ان جملوں پر سر تبسم مسکراۓ اور کہا میرے عزیز طلبا آپ سب کا یہی مسٸلہ ہے جو جس کام کے لیے بنا ہے وہ اپنے حصے کا کام سر انجام نہیں دے رہا ۔ آپ اگر چپڑاسی یا سویپر نہیں تو آپ مشیر یا وزیر بھی نہیں ۔ آپ ایم این اے ۔ ایم پی اے بھی نہیں ۔ آپ ایک طالب علم ہے ۔ آپ کا کام پڑھنا ہے اس ملک کو اچھے طالب علم کی ضرورت بھی ہے آپ اپنے علوم و فنون میں مہارت حاصل کریں گے تو کل جب آپ کو ملک کی اہم ذمہ داری دی جاۓ گی آپ وہاں اپنی پوری توجہ لگانا ۔ *نالاٸق آدمی کو اگر ذمہ داری دی جاۓ تو ملک کا یہی حال ہو گا جو آج کل ہے ۔ ہم میں سے ہر آدمی یہ چاہتا ہے اور جانتا ہے کہ فلاں ایسا ہے اسے ایسا ہونا چاہیے مگر خود کے بارے میں نہیں جانتا ۔ آپ اپنے حصے کی ذمہ داری پوری کیجیے ۔ اس بات کا شعور رکھیں کہ آپ کے ذمہ کیا ہے ۔* جب ہر فرد اس کے مطابق کام کرے گا تو اپنی غلطی پر کسی دوسروں کو اندھا کہنے کی ضرورت پیش نہیں آۓ گی ۔ *آج ہم اپنی عدالت تھانہ کچہری ہسپتال سکول تجارت دکان کسی کارکردگی سے مطمٸن نہیں صرف وجہ یہ ہے کہ ہم میں سے ہر فرد اپنے حصے کا کام چھوڑ کر دوسرے کو سکھانا چاہتا ہے کہ اسے کیسے کام کرنا چاہیے ۔ تو عزیز قارٸین آپ نے اس تحریر سے جان لیا کہ گھر ہو یا معاشرہ ۔ محلہ ہو یا شہر ۔ صوبہ ہو یا ملک اس میں مساٸل کی بڑی وجہ لفظ ذمہ داری ہے* ۔ بس اپنا مزاج بدلیے اور وہ کیجیٕے اور دی بیسٹ کیجیے جو آپ کے ذمہ ہے ۔ چوک چوہراے ہوٹل ہسپتال کلاس روم سٹاف روم کہیں کی کوٸی بحث آپ کے کام نہیں آۓ گی ۔ *امید ہے عمل کریں گےاور تحریر لازما شٸیر کریں گے ۔*