حقوق اللہ و حقوق العباد

۱۱۔شعب ایمان

(۱) حقوق اللہ و حقوق العباد

۲۰۲۔ عن اُم المؤمنین عائشۃ الصدیقۃ رضی اللہ تعالیٰ عنہا قالت: قال رسول اللہ صلی اللہ تعالی علیہ وسلم :اَلدّوَاوِیْنُ ثَلٰثَۃٌ ، فَدِیْوَانٌ لاَ یَغْفِرُ اللّٰہُ مِنْہُ شَیْئًا وَدِیْوَانٌ لاَیَعْبَأ اللّٰہُ مِنْہُ شَیْئًا وَدِیْوَانٌ لاَ یَتْرُکُ اللّٰہُ مِنْہُ شَیْئًا ۔ فَامَّا الدِّیْوَانُ الَّذِیْ لاَیَغْفِرُ اللّٰہُ مِنْہُ شَیْئًا اَلْاِشْرَاکُ بِاللّٰہِ، وَاَمَّا الدِّیْوَانُ الَّذِی لاَیَعْبَأ اللّٰہُ مِنْہُ شَیْئًا ظَلَمَ الْعَبْدُ نَفْسَہٗ فِیْمَا بَیْنَہٗ وَبَیْنَ رَبِّہٖ مِنْ صَوْمِ یَوْمِ تَرَ کَ اَوْ صَلوٰۃٍ تَرَکَھَا فَاِنَّ اللّٰہَ یَغْفِرُ ذٰلِکَ اِنْ شَائَ وَتَجَاوَزَ ، وَاَمَّا الدِّیْوَانُ الَّذِی لاَیَتْرُکُ اللّٰہُ مِنْہُ شَیْئًا فَمَظَالِمُ الْعِبَادِ بَیْنَھُمُ الْقِصَاصُ لاَ مُحَالَۃَ۔

ام المؤمنین حضرت عائشہ صدیقہ رضی اللہ تعالیٰ عنہا سے روایت ہے کہ رسول اللہ صلی اللہ تعالیٰ علیہ وسلم نے ارشاد فرمایا : دفتر تین ہیں ۔ ایک دفتر میں سے اللہ تعالیٰ کچھ معاف نہ فرمائیگا ۔ اور دوسرے کی اللہ تعالیٰ کو کچھ پرواہ نہیں ۔ اور تیسرے میں سے اللہ تعالیٰ کچھ نہ چھوڑیگا۔ وہ دفتر جس میں سے اللہ تعالیٰ کچھ معاف نہ فرمائیگا وہ دفتر کفرہے ۔ اور جس کی اللہ تعالیٰ کو کچھ پرواہ نہیں وہ بندے کا اپنے رب کے معاملہ میں اپنی جان پر ظلم کرنا ہے کہ کسی دن کا روزہ چھوڑدیا نماز چھوڑدی ۔ اللہ تعالیٰ چاہیگا تو معاف کر دیگااور در گزرفرمائیگا ۔ اور وہ دفتر جس میں سے اللہ تعالیٰ کچھ نہ چھوڑیگا وہ بندوں کے باہم ایک دوسرے پر ظلم ہیں ۔ انکا بدلہ ضرور ہونا ہے ۔ فتاوی رضویہ ۴/۸۷

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۲۰۲۔ المستدرک للحاکم ، الاہوال ، ۴/ ۵۷۵ ٭ المسند لا حمد بن حنبل ، ۶/ ۲۴۰

الجامع الصغیر للسیوطی ، ۲/ ۲۶۱ ٭ اتحاف السادۃ للز بیدی ، ۸/ ۵۲۹

کنز العمال للمتقی ، ۱۰۳۱۱، ۴/ ۲۳۳ ٭ تاریخ اصفہان لا بی نعیم ، ۲/ ۲