اور آپ اپنا ہاتھ اپنی بغل میں دبایئے وہ بغیر کسی عیب کے سفید چمکتا ہوا نکلے گا، یہ دوسری نشانی ہے۔ تاکہ ہم آپ کو اپنی بعض بہت بڑی نشانیاں دکھائیں۔
(٢) اس سے مراد عصا ہے کیونکہ حضرت موسیٰ جب عصا کو زمین پر ڈالتے تو وہ اژدھا بن جاتا تھا، اس کے جزاء اور اس کا جسم بڑھ جاتا تھا اور اس سے حضرت موسیٰ کو بہت بڑی قدرت اور بہت شدید طاقت حاصل ہوتی تھی، اور وہ اژدھا بہت ساری چیزوں کو نگل جاتا تھا اور وہ چیزیں فنا ہوجاتی تھیں اور بڑی بڑی چیزوں کے اجزاء فنا ہوجاتے تھے اور چیزوں کے رنگ اور انکی صورتیں زائل ہوجاتی تھیں اور ان چیزوں میں سے ہر چیز ایک مستقل معجزہ ہے لہٰذا عصا بہت بڑی نشانی ہوا۔
(٣) بہت بڑی نشانی سے مراد یدبیضاء اور عصا کا مجموعہ ہے۔
