جوتے سے پلیدی
sulemansubhani نے Friday، 19 April 2019 کو شائع کیا.
حدیث نمبر :473
روایت ہے حضرت ابوہریرہ سے فرماتے ہیں فرمایا رسول اﷲ صلی اللہ علیہ وسلم نے کہ جب تم میں سے کوئی اپنے جوتے سے پلیدی کو روندے تو مٹی اس کے لیئے پاکی ہے ۱؎(ابوداؤد)اورابن ماجہ کی روایت میں اس کے معنی ہیں۔
شرح
۱؎ یہاں نجاست سے سوکھی ناپاکی مرادہے یعنی اگر جوتے یا چمڑے کے موزے سے سوکھی ناپاکی لگ جائے تو آئندہ چلنے کی وجہ سے وہ الگ ہوجائے گی،نیز اگر گیلی ناپاکی بھی جوتے وغیرہ میں لگ کر سوکھ جائے وہ بھی زمین سے رگڑ کھاکر پاک ہوجاتی ہے مگر تر ناپاکی جب تک کہ تر رہے رگڑ سے پاک نہیں ہوسکتی،نیز غیرول والی نجاست جیسے پیشاب یا شراب اگر جوتے یا موزے میں لگ کر سوکھ جائے تو بغیر دھوئے پاک نہیں ہوگا،یہ حدیث مجمل ہے اس کی تفصیل کتب فقہ سے معلوم کرو۔
ٹیگز:-
جوتے , روندے , حدیث , حضرت ابوہریرہ , رسول اﷲﷺ , سنن ابوداؤد , سنن ابن ماجہ , مٹی , پاکی , پلیدی