لِیَقْطَعَ طَرَفًا مِّنَ الَّذِیۡنَ کَفَرُوۡۤا اَوْ یَکْبِتَہُمْ فَیَنۡقَلِبُوۡا خَآئِبِیۡنَ﴿۱۲۷﴾ 

ترجمۂ کنزالایمان:اس لئے کہ کافروں کا ایک حصہ کاٹ دے یا انہیں ذلیل کرے کہ نامراد پھر جائیں۔

ترجمۂ کنزُالعِرفان: اس لئے کہ وہ کافروں کا ایک حصہ کاٹ دے یا انہیں ذلیل و رسوا کردے تو وہ نامرادہوکر لوٹ جائیں۔

{ لِیَقْطَعَ طَرَفًا مِّنَ الَّذِیۡنَ کَفَرُوۡۤا: اس لئے کہ وہ کافروں کا ایک حصہ کاٹ دے۔} اللہ تعالیٰ نے مسلمانوں کی مدد اس لئے بھی فرمائی کہ کافروں کے بڑے بڑے سردار مارے جائیں ، گرفتار کئے جائیں اور اس کے ذریعے کافروں کی قوت ختم ہو، چنانچہ بدر میں ایسا ہی ہوا۔